奇妙過奇妙
尋日好好好好好唔開心的， 但今朝一覺瞓醒竟然心情舒𣈱，唔知發生乜事，但個人好似開咗竅咁，諗通晒～可能係天父俾緊指引我～
冇再唔開心～
之前會咁嬲係因為我 lost track 咗，行錯咗．．．．行快咗．．．．．其實諗諗吓都唔係一件咁大件事啫～
其實，我知自己個毛病就係好易嘭嘭聲標晒啲情感出嚟， 一係冇感覺，一係就好易湧晒啲感覺出嚟。
只要我唔憎嗰個人，同佢相處感覺舒服，人地話鍾意我，相對地我好易會鍾意返人，會好肯付出．．．．
所以某啲情况下人地做嘅嘢同我唔相對，挑起咗我條痴筋我就會嚟料．．．．
我呢道所指嘅抱括我對我所有視為朋友嘅朋友．．．．
我諗我對之前講嘅嗰個人， 可能被佢撩起咗之後我一時行快咗，盲目地投放多咗情感～
其實冷靜啲諗番吓，我地唔算好認識，大家都唔了解對方， 何解會因為人地一時可能冇乜特別意思嘅行為而嬲到爆炸呢？short short 地～
我冇嬲嗰個人了．．．佢都有試圖再 text 我，不過啲 text 其實都有啲奇奇怪怪咁嘅，不過都唔深究嘞～之不過我尋日仲好喪當然冇覆啦，今日就係有啲唔知點覆，話晒之前鬧爆咗人，同埋都想自己再丟淡啲清醒啲先再算囉～ 好在嚟緊一個星期都唔會有機會接觸到佢， 咁正好可以收覆吓自己過盛嘅情感～
太好嘞，自我反省完，又學到嘢～知道自己有咩要改下嘞．．．．
自己加油～多謝天父～
posted by wai @ 10:27 pm
